Монпелје го приреди најголемото изненадување во осминафиналето од Лигата на шампионите, елиминирајќи го европскиот првак Кјелце. Француската екипа ја одбрани предноста од пет гола од победата на домашен терен и ја потврди со втор триумф (28-26) и заслужено стигна до најдобрите осум екипи во Европа.
Ракометарите предводени од Талант Душебаев одиграа одлични први 30 минути и скоро ја достигнаа разликата од првиот меч. При резултат 9-11 за гостите, полскиот шампион го заврши првото полувреме со серија од 6-0 и стигнаа до +4 на паузата (15-11).
Но, во продолжението се случи неочекуван пресврт, кој стигна при резултат од 20-16 за Кјелце. Французите направија неверојатна серија од 7-0 и успеаја да ја преземат контролата над мечот (23-20). Домашните ракометари возвратија со серија од 3-0, но веќе беше доцна за било какво изненадување.
Конечниот резултат гласеше 28-26, што значеше дека Монпелје обезбеди пласман во четвртфиналето, каде ќе се сретне со унгарскиот шампион Веспрем.
Јуре Доленец беше најрасположен кај гостите и постигна седум гола, а Гребиј се надоврза со пет. Очекувано, кај полската екипа најефикасни беа Јурецки со седум и Лијевски со шест погодоци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
