Орден Легија на честа за академик Луан Старова

Академикот и писател Луан Старова е одликуван од претседателот на Република Франција со ореденот Легија на честа. Тој е носител и  на високото француско одликување Командант на уметностите и книжевностите oд 2000 година.

Овие одликувања му се доделуваат на академикот Луан Старова за неговиот голем придонес во развојот на француско-македонските односи во периодот кога Старова бил прв амбасадор на Република Македонија во Франција, за подоброто разбирање на регионот во критичниите години на последната декада на минатиот век.

Старова предизвикал посебно внимание во француската култура и книжевна јавност со започнување на објавување на неговата балканска книжевна сага, кај издавачот „Фајар“’ и која француската книжевна критика ја вброи во редот на ,,големите европски романи’’, денес објавувана на дваесетина јазици во светот.

Старова е член на  Европската академија, редовен на Македонската академија на науките и уметностите, член на Медитеранската академија од Неапол, почесен член на Албанската академија на науките, како и член на научното друштво ,,Лајбниц’’ од Берлин.

Ореденот Легија на честа на академикот Старова ќе му биде предаден во Скопје на 11 април 2017.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.