Швајцарскиот тенисер Роџер Федерер се пласираше во полуфиналето на АТП турнирот во Мајами, откако во четвртфиналната средба го совлада Томаш Бердих со 2-1 (6-2, 3-6, 7-6) во сетови.
Федерер одлично го отвори дуелот и го доби првиот сет со убедливи 6-2 со два брејка, сепак одговори Бердих во вториот сет кој го доби со 3-6 и средбата влезе во решавачки трет сет.
Во драматична завршница, Федерер имаше меч-топка на сервис на Бердих во десеттиот гем, но Чехот ја спаси, по што средбата замина во тај-брејк.
Таму Бердих дојде до 6-4 и две меч-топки, од кои првата на свој сервис. Тогаш на сцена стапи Федерер кој ги освои следните четири поени и славеше во тај-брејкот со 8-6.
Федерер во полуфиналето ќе игра со Австралијанецот Ник Кригиос кој истотака во три сета (6-4, 6-7, 6-3) славеше над Алексадер Зверев. Во првото полуфинале пак ќе играат Рафаел Надал и Фабио Фоњини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
