„За заедничка Македонија“: Да чуе Европа, утре најбројни на улиците!

Еден од главните организатори на граѓанската иницијатива „За заедничка Македонија“ уште еднаш повтори дека граѓаните се најзаслужни што се’ уште нема тиранска влада во Македонија и претседател на Собраниот кој не се откажал од платформата.

– Затоа што нѐ има сѐ  уште нема тиранска влада во Македонија, затоа што нѐ има и денеска нема претседател на Собранието, кој не се откажал од тиранска платформа, а затоа што ќе нѐ има, победите на заедничка Македонија ќе продолжат. Излеговме на улица и не си одиме, тоа им е јасно на сите. Затоа и денеска на 40 локации, над 100 илјади Македонци гордо, храбро, одважно велат НЕ за двојазична и бинационална држава, бараме отфрлање на тиранската платформа и од тоа не се откажуваме – изјави Богдан Илиевски од граѓанската иницијатива „За заедничка Македонија“.

Илиевски ги покани граѓаните утре во најголем број да излезат на улиците, за нивниот глас да го слушне цела Европа.

– Ве поканувам се повеќе и повеќе да бидеме секој нареден ден, а утре најгласно оваа недела, важно е да бидеме тука како минатиот вторник, кога нѐслушнаа до Австрија и до Брисел, утре треба да нѐчуе цела Европа, а особено пратениците – изјави Илиевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.