Груевски на Фејсбук: Студентите полека добиваат услови за достоинствен живот (видео)

Претседателот на ВМРО-ДПМНЕ, Никола Груевски, на социјалните мрежи ги сподели видеата од денешната посета на реконструираните блокови А и Б во студентскиот дом Гоце Делчев.

Во студентскиот дом „Гоце Делчев“ целосно се завршени градежните активности за реконструкција на блокот А, како втора фаза од процесот за целос­на обнова на домот. Досега целосно се реновирани блоковите А и Б, а за десетина дена се очекува да започнат активностите и за реновирање на останатите два блока В и Г и до следната година да бидат целосно завршени.

Сите студентски домови имаат нови лифтови.

Студентите полека добиваат услови за достоинствен живот сведочи и набавката на 50 професионални ма­шини за перење и 50 професионални машини за сушење алишта со капацитет до 10 килограми, инвестиција вредна 200 илјади евра.

Од четири блока, блоковите А и Б веќе е се комплетно завршени и следуваат блоковите В и Г. Идејата беше да не се затвори студентскиот дом две години за да се реновира, туку студентите да има каде да престојуваат, а дел по дел да се заврши. Се што ветивме се реализираше- напиша Груевски на Фејсбук.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.