Ристовски: Не ме интересираат шпекулациите за Спортинг, тоа им го оставам на менаџерите

Еден од фудбалерите со неверојатно позитивна сезона и голем прогрес во играта и формата е некогашниoт фудбалер на Вардар а сега десен бек на Ријека, Стефан Ристовски. Еден од најдобрите фудбалери во хрватскиот фудбалски шампионат сака да се концентрира на мечевите со Лихтенштајн и Белорусија, а не на шпекулациите дека ќе го засили португалскиот Спортинг.

– Не смееме да мислиме дека сме посилни две или три класи од Лихтенштајн. Македонија не е веселила и не смее така да размислива. Сепак, јасно е дека мора да ги освоиме првите бодови во овие квалификации. Само победа е нашата цел и уште од Скопје во главите ни е триумф – смета Ристовски.

Скопјанецот не сакаше многу да ги коментира шпекулациите кои велат дека ги игра последните мечеви за Ријека и од следната сезона ќе го облече зелено-белиот дрес на Спортинг од Лисабон.

– Мојата иднина им е препуштена на менаџерите, тие си ја знаат својата задача, а јас за понудите ќе размислувам кога ќе заврши сезоната. Имам важни мечеви со репрезентацијата и потоа борба за титулата со Ријека – дополнува тој.

Ристовски беше стартер во сите четири претходни натпревари од квалификациите за Светското првенство, а ќе се најде во првиот тим и вечерва во Вадуц.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.