Димовски: СДСМ, конечно, прифати дека ги изгуби изборите

Координаторот на пратеничката група на ВМРО-ДПМНЕ, Илија Димовски, ќе биде претседател на Комисијата за прашања на изборите и именувањата.

– Доколку СДСМ продолжи да го слуша гласот на народот што секој ден е на улиците и доколку СДСМ со ваквите постапки продолжи да прифаќа дека е губитничка партија на изборите, Собранието на Република Македонија ќе продолжи нормално да функционира. Доколку се обидуваат со постизборна измама да наметнуваат нови правила во Собранието на Република Македонија, тогаш сите можности остануваат отворени – изјави денеска Илија Димовски.

Според претходно договореното од политичките партии, ВМРО-ДПМНЕ ќе има шест члена во Комисијата за прашања на изборите и именувањата, СДСМ пет, а ДУИ и Беса по еден член.

Утврдувањето на предлогот за состав на Комисијата за прашања на изборите и именувањата е предуслов за продолжение на конститутивната собраниска седница која почна на 30 декември 2016 година, но беше прекината бидејќи не беше обезбедено парламентарно мнозинство за избор на претседател на законодавниот дом.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.