Страшна несреќа – младо момче се бори за живот

На регионалниот пат Скопје-ХЕЦ Козјак, во атарот на с.Маркова Сушица, вчера во 14.00 часот се случила сообраќајна незгода помеѓу патничко возило „Даеву Рејсер“ со скопски регистарски ознаки, управувано од И.Ш. (24) од с.Елово, скопско и Трактор „ИМТ577“ со скопски регистарски ознаки, управуван од Д.А. (58) од с.Сопиште, скопско, соопштија од МВР.

Во незгодата со тешки телесни повреди се здобиле возачот И.Ш. и сопатникот од возилото „Даеву Рејсер“, Д.Ш. (26) од с.Елово. Со возило на Итна медицинска помош истите биле пренесени во Ургентен центар Скопје. И.Ш., по укажаната лекарска помош е задржан на КАРИЛ и се наоѓа во животна опасност, а Д.Ш е задржан на Клиниката за Торакална хирургија.

Увид на местото на настанот извршила екипа од СВР Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.