Во руското финале на ВТА Мастерсот во Индијан Велс, Елена Веснина по голема битка ја совлада Светлана Кузњецова со 2-1 (6-7, 7-5, 6-4) во сетиво. Светлана Кузњецова не успеа и во третиот обид да стигне до првиот трофеј на Индијан Велс, претхoдно двапати губеше во финалето во 2007 и 2008 година.
Во првиот сет, во првите седум гема двете тенисерки по двапати го одзедоа противничкиот сервис, за да во продолжение бидат сигурни при сервисот и го решат во тај-брејк. Во него поприсебна беше искусната Кузњецова, го доби со 8-6 и поведе со 1-0 во сетови.
Вториот сет Кузњецова го започна фуриозно и поведе со 4-1, но Веснина не се предаваше и возврати со четири освоени гема во низа и поведе со 5-4. Но, Веснина повторно потклекна во следниот гем кога сервираше за сет, па Кузњецова израмни на 5-5. Сепак, Веснина ги освои наредните два гема и израмни на 1-1 во сетови.
Помладата Веснина одлично го започна третиот сет со одземен гем на противничката, но искусната Кузњецова веднаш возврати за 1-1. Клучниот брејк Кузњецова го направи во шестиот гем и се одлепи на 4-2, но и тоа не беше доволно за триумф. Веснина до крајот ги освои четирите гема и на крајот го доби сетот со 6-4 за голема победа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
