Конститутивната собраниска седница за која СДСМ утрово поднесе иницијатива за нејзино свикување, нема да се одржи денеска.
Собраниски извори за Прес24 велат дека за тоа нема шанси бидејќи претходно, потребно е да се одржи координација меѓу координаторите на пратеничките групи.
Во текот на денот се очекува и претседавачот Трајко Вељаноски да излезе со свој став по ова прашање.
Постои можност седницата да се одржи за време на викендот. Она што неофицијално се дознава е дека на неа ќе се направи обид да се формира комисијата за избори и именувања во која СДСМ може да има тесно мнозинство заедно со пратениците на ДУИ и БЕСА.
Потоа планот е да се избере Талат Џафери за Претседател на Собранието.
Ниту една од партиите не изнесува детали за тоа кога ќе се направи обид да се избере новата Влада. Она што е потврдено е дека новиот Претседател на Собранието ќе го извести Иванов дека постои парламентарно мнозинство кое планира да формира Влада. Тоа за Претседателот практично и не значи ништо бидејќи тој е цврсто на позицијата дека нема намера да даде мандат за реализација на платформата на Еди Рама, чекор кој СДСМ сака да го направи во коалиција со своите албански партнери .
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
