Со двата хет-трика на Икарди и Банега, Интер ја наполни мрежата на Аталанта (Видео)

Во дуелот за место во Европските купови, Интер пред своите фанови ја декласираше Аталанта со 7-1, а Мауро Икарди и Евер Банега постигнаа по три погодоци. Во одличното прво полувреме, Мауро Икарди постигна идеален хет-трик и гол со десна, лева нога и глава за само девет минути.

Потоа следуваа два гола на Банега за убедливи 5-0 по 34 минути игра, а кон финишот на првиот дел гостите постигнаа погодок преку Фројлер.

На стартот од второто полувреме, Гаљардини го матираше својот поранешен клуб за 6-1, а во 68. минута Банега го комплетираше својот хет-трик за конечни 7-1.

Наполи со 3-0 пред своите фанови славеше во дуелот со Кротоне, Удинезе со 1-3 победи на гостувањето кај Пескара, а Киево на домашен терен со 4-0 го доби дуелот со Емполи. Фиорентина со гол во завршните минути го совлада Каљари со 1-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.