Желбата е роденденот да се прослави со победа, „Нестор-гол“ денеска полни 27 години

Илија Несторовски денеска полни 27. роденден, а му се погоди прославата да му ја зачини гостувањето на една од најдобрите екипи во Италија, Рома.

Македонскиот репрезентативец експресно ги освои срцата на навивачите на Палермо, а ги повика вечерва да дојдат на стадионот „Ренцо Барбера“ за да помогнат да се победи фаворитот од Рим. Натпреварот е закажан за 20,45 часот.

– Вечер ве чекам на стадион, Да му дадете поддршка на клубот. Форца Палермо – напиша, најдобриот стрелец на Палермо.

Вистински шлаг на роденденската торта за него би бил, да ја затресе мрежата на „римската волчица“ и Палермо да слави победа против големиот фаворит.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.