Четворица напаѓачи нападнале денес со секира патници на главната железничка станица во Дизелдорф, без ред удирајќи ги минувачите, јавува германски Билд.
Најмалку четири лица се повредени, јавуваат германските медиуми, а полицијата ги уапсила двајцата напаѓачи. Некои германски медиуми јавуваат дека има уште најмалку двајца напаѓачи кои се во бегство, но оваа информација не е потврдена.
Билд пишува и дека голем број полицајци се распоредни околу станицата. Светските агенции јавуваат дека железничкиот сообраќај е во прекин и дека возовите не сопраат на станицата.
Портпаролот на полицијата на Дизелдорф потврди дека е во тек голема акција и дека полицијата патролира со возила и хеликоптери. Нема детали за осомничените напаѓачи или мотивите на нападот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
