Чичолина беше главна, Маца беше славна- Се сеќавате ли на урнебесниот „Женски оркестар“? (видео)

Ако треба да одбереме македонска видео касета која била најбарана и најпреснимувана, тогаш со сигурност тоа е преставата „Женски оркестар“. Главните ликови- секси Чичолина, промискуитетната Маца, срамежливата Паца, забавната Мендолина, бугарката Илинденка, анксиозната Сузан и изгубениот Трајчо со двата дела од оваа култна престава не засмејуваа до солзи. Голем дел реплики од преставата и ден денеска се цитираат постојано, а смешните моменти често се прераскажуваат во друштво. Хуморот со кој овој оркестар не шармираше нема да се повтори.

Еден период „Женски оркестар“ се играше во легендарната кафана „Лисабон“ и секогаш се бараше место повеќе за да се биде во публика. Во најсмешната македонска комедија играа: Јовица Михајловски, Димче Мешкоски, Ванчо Петрушевски, Ѓокица Лукаревски, Благоја Чоревски, Гоце Тодоровски и Игор Џамбазов.

Целата урнебесна комедија и единствениот македонски женски оркестар може да ги погледнете на „Јутјуб“:

извор: македонија денес

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.