На деветти април во Градскиот парк во Скопје ќе се одржи Авицена Женска трка која е во организација на Сојуз на Спортови на Скопје и е под покровителство на Град Скопје. Од оваа година Женската трка добива нов генерален партнер во „Авицена Лабораторија“.
Пријавувањето започна на 16. февруари и веќе се пријавени над 800 учеснички со што полека се надминува рекордниот број на натпреварувачки од минатата година, велат од организацијата.
Секоја учесничка ќе добие стартен број со чип за електронско мерење на време и трите најдобро пласираните во генерален пласман ќе добијат награди како и најдобрите три по возрасни категории.
Пријавувањето и регистрацијата за Авицена Женската трка 2017 ќе може да се направи преку официјалната веб страна на Виз Ер Скопскиот Маратон www.zenskatrka.mk и преку партнерот за онлајн регистрација на Виз Ер Скопскиот Маратон, www.smartrace.club.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
