Веќе неколку седмици низ италијанките медиуми се пишуваше дека тренерот на Јувентус, Масимилијано Алегри по завршувањето на сезоната ќе ја напушти „старата дама“, а утрово веќе неколку британски медиуми објавија дека Италијанецот е главен кандидат да седна не менаџерското столче на Арсенал.
Имено, „Сандеј Експрес“ пишува дека Алегри веќе одлучил да го напушти Јувентус и стапил во контакт со раководството на „топџиите“ за евентуална соработка. Сепак, за овие шпекулации да станат реалност потребно е сегашниот предводник Арсен Венгер да го напушти клубот и местото да му го препушти на далеку помладиот Алегри.
Венгер веќе подолг период е без трофеј од големите натпреварувања, а синоќешниот убедлив пораз од Ливерпул (3-1) е само доказ плус дека неговото време е веќе поминато и за доброто на клубот треба доброволно да го напушти Арсенал, каде владее цели 21 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
