Истражувачите од интернет порталот “Survive Her Affair” анкетирале 1,500 мажи кои што биле изневерени, па од нив дури 71% изјавуваат дека се уште ја сакаат својата жена, и покрај неверството. Дури 92% од изневерените мажи велат дека сакаат да го зачуваат својот брак или пак се неодлучни.
Истражувањето од 2012 година, спроведено од страна на интернет порталот “OurTime.com”, покажало дека најмалку 42% од возрасните работат на зачувување на врската со партнерот кој што имал сексуално неверство.
Експертите советуваат, доколку одлучите на својот партнер да му го простите неверството, потребно е да го направите следново(важи и за мажи и за жени):
– Договорете се
Одредете време кое што ќе и го посветите на вашата врска. Личноста која што изневерила треба да го прекине секој контакт со личноста со која што било направено неверството.
-Побарајте извинување
Важно е неверната личност да понуди искрено и сериозно извинување, односно да ја преземе одговорноста за своите дела. Прифаќањето на извинувањето зависи од однесувањето на личноста која што изневерила, но најважно е партнерите меѓусебно да разговараат.
– Не обвинувајте се себеси
Вашата самодоверба не зависи од однесувањето на партнерот. Можете да бидете дел од решението, меѓутоа во ниту еден случај не сте причина за неверството.
– Ослободете се од лутината
Искажете ја и ослободете се од лутината. Истражувањата покажуваат дека пишувањето на писмо до партнерот секогаш помага, но истото, не треба да го покажете. Исто така, разговорот со пријателите и семејството за овој настан може да биде исклучително корисен.
– Пронајдете ги квалитетите
Направете листа на позитивните аспекти од вашата врска. Иако можеби сте тажни и лути, размислете за сите убави нешта кои што ви се случиле, па тоа ќе ви даде нов поглед кон вашата врска.
– Побарајте професионална помош
Ситуацијата може да биде исклучително тешка, без оглед на тоа колку силна личност сте. Терапевтскиот поглед кон случајот може да биде исклучително корисен за вас.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
