Меланија приреди бал со пролетна тема, Трамп и честиташе јавно (Видео)

Првата дама на САД беше домаќинка на настан во Белата куќа, бал за гувернерите. Републиканците триумфално славеа додека поголем дел од нацијата истата вечер се забавуваше со Оскарите, објавија американските медиуми.

Облечена во црна тоалета, домаќинката на забавата Меланија, посочила дека е горда што била организатор на настанот.

– Вечерва сме заедно како една нација, оставајќи ги политичките етикети и партиски интереси зад нас… Мирисите на јасмин и рози го исполнуваат воздухот додека се заблагодаруваме за оваа голема нација и славата на обновувањето – стоело во изјава на Меланија Трамп, посочувајќи дека темата на балот е пролетно обновување.

Меланија добила поддршка од Иванка Трамп за овој официјален настан, при што на Инстаграм објави фотографија од забавата и по неа, пишувајќи дека се вратила од прекрасна вечер во Белата куќа со Доналд и Меланија Трамп и 46 гувернери.

Претходно беше најавено дека Доналд и Меланија нема да ги гледаат Оскарите заради балот. На прашањето дали Трамп ќе ги гледа 89-тите Оскари, од Белата куќа одговориле дека Доналд и Меланија истата вечер ќе организираат бал за гувернерите.

– Госпоѓа Трамп одвај чека да приреди одличен настан. Таа вложува многу време во ова. Претседателот и првата дама ќе бидат фокусирани на тоа – посочиле од Белата куќа.

На изненадување на многумина, честитки за успешната организација Меланија јавно доби и од својот сопруг Трамп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.