Шведската влада е соочена со непланирано рефундирање на данокот, откако граѓаните во текот на 2016 година намерно плаќале поголеми износи во државата каса, што е последица на негативните камати на штедење во земјата.
Иако поврат на данокот е нормална пракса во скоро сите земји во светот, Шведска бележи ненормално голема количина пари кои мора да ги врати.
Според информациите кои ги објави државната влада, Шведска крајот на 2016 година го дочекала со суфицит од 8,96 милијарди евра. Скоро половина од суфицитот е предизвикано од прекумерно плаќање данок, на физички и на правни лица кои на тој начин сакале да заработат.
Со негативните камати од -0,5 отсто чувањето пари во банките всушност може да ги „однесе“ парите од сметката на корисниците, наместо да ги зголеми. Благодарејќи на даничниот систем, Швеѓаните може да „заработат“ плаќајки поголеми количини данок отколку што е потребно.
Со зголемување на парите на даночните сметки, граѓаните може да сметаат на државна камата од 0,56 отсто, пренесува „Бизнис инсајдер“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
