Каква пензија, Федерер најави дека ќе игра и во 2019 година!

Сите љубители на играта на можеби најголемиот тенисер на сите времиња, Роџер Федерер, синоќа добија одлична вест, откако Швајцарецот најави дека ќе биде присутен на терените и на 38-годишна возраст.

Поточно, освојувачот на 18. Грен слем титули најави дека на АТП турнирот во родниот Базел ќе учествува и во 2019 година.

– Едвај чекам да се вратам во мојот дом, во Швајцарија. Да се игра во Базел е момент кој го чекам со нетрпение. Сакам да бидам таму оваа есен, па и во наредните два години – изјави Федерер.

Федерер минатата сезона поради серија на повреди беше малку активен на АТП-турот, но оваа ја започна на феноменален начин со триумф на Австралија Опен и тоа во финалето славеше над лутиот ривал, Рафаел Надал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.