Сакав да го плукнам во лице – почна судењето на монструмот кој ја силуваше и уби тригодишната Анѓелина

Денеска во Вишиот суд на Заечар одржано е подготвително судење на Владица Рајковиќ(28) од заечарското село Вратарница, кого обвинителството го товари за три кривични дела и тоа тешко убиство и силување на Анѓелина (3) и за убиство на Драгана Станковиќ (47).

Осомничениот пред судот го признал убиството на Драгана Станковиќ, но изјавил дека ниту ја силувал, ниту ја убил тригодишната Анѓелина.

-Го смени исказот, бидејќи првично сите обвинувања врзани за Анѓелина ги призна. Сега изјави дека тоа не го направил, а дека тогаш признал бидејќи полицајците го тепале. Сепак обдукцискиот наод, биолошките анализи, како и сите други анализи говорат дека е виновен по сите точки на обвинувањата. Ќе бараме најстрога казна, а тоа се 40 години затвор. Несомено е дека е виновен. Во судницата беше смирен, ладен, како ништо да не направил, а ги видов фотографиите од унакаженото тело на девојчето- рекла Маја Атанасковиќ, адвокат на семејството на убиеното девојче.

Целото тело на мајката Даниела Стефановиќ се тресело додека влегувала во судницата. Би сакала, рекла, да не мора поовторно да го погледне убиецот на нејзината ќеркичка.

-Ја сонувам често. Играме во дворот, сонувам дека ја облекувам, шетам, дека спие со мене во кревет. Тогаш се будам, гледам дека ја нема и плачам, плачам…Посакувам да има смртна казна и овој монструм да го убијат – рекла неутешната мајка, на која и се слошило кога го видела Владица.

-Тргнав кон него, не размислувајќи. Сакав да му плуканам во лице, толку ми се згади. Но некој ме фати под рака и ме запре. После видов дека тоа е полицаецот – рекла Даниела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.