Менаџерот на Сакраменто Кингс Владе Дивац, ја изненади јавноста со размената на Демаркус Казинс со Њу Орлеанс за тројца играчи и неколку избори на престојниот драфт.
Пред неколку дена Казинс најави дека нема намера да го напушти Сакраменто, а се претпоставуваше дека тимот по завршувањето на сезоната ќе му понуди нов петгодишен договор вреден 225 милиони долари.
Сакраменто за Казинс ги добива Бади Хилд, Тајрик Еванс, Ленгстон Геловеј и неколку пикови од првата и втората рунда на драфтот.
Њу Орлеанс ќе му понуди нов договор на Казинс, кој за соиграч ќе го има Ентони Дејвис МВП играчот на синоќешниот Ол-стар. Двајцата центри имаат одлична сезона реализирајќи повеќе од 25 поени во просек.
Дали ќе се снајдат двајцата во рекетот како што тоа го сторија „кулите близначки“ на Сан Антонио (Робинсон и Данкан) останува да видиме.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
