Хрватската министерка за надворешни работи Марија Пејчиновиќ Буриќ изјави дека Загреб се противи на менување на границите на Балканот.
По нејзината средба со американскиот државен секретар Мајк Помпео во Вашингтон, Буриќ оцени дека од тоа произлегува опасност за целиот Балкан.
Буриќ и Помпео разговарале за идеите за размена на територии меѓу Косово и Србија, со што би се постигнала поголема етничка хомогеност.
– Ова не е принципот по кој функционираа државите по Втората светска војна. Не е добро да се прават разграничувања по етнички линии зошто тоа може да доведе до дестабилизација и загрозување и на други држави во регионот и пошироко, изјави Буриќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
