Велиновска: Злосторството на Груевски е тоа што му го исправи ‘рбетот на Македонецот (ВИДЕО)

Новинарката Мирка Велиновска во своето гостување во емисијата „Во Центар“ на Васко Ефтов емитувана вечерва, коментирајќи ги актуелните политички случувања вели дека не мисли оти ќе се направи влада меѓу СДСМ и ДУИ, но дури и под претпоставка да се направи, Велиновска додава дека таква владе нема да трае.

-Не мислам дека ќе се направи Влада помеѓу СДСМ и ДУИ, но иако се направи, еве сега за сите варијанти да зборуваме, таа влада нема да трае, значи нема да трае. Дали народот сам, дали претседателот на државата, дали комбинирано, сите ќе си ги преземеме институциите, воопшто да не чекаат дека Америка ќе реагира и ќе ги спасува, изјави Велиновска.

На прашањето на Ефтов „Ако велите дека Обама и целата таа екипа ќе одговара за велепредавство во Америка, како контракторите или извршителите нема да одговараат во Македонија, односно ќе формираат влада?“, Велиновска вели:

-Нема да формираат, овие што се од Амеирка маринци ќе ги спроведат горе, тие што се домашно потекло нашите органи и служби ќе си ги третираат…

Велиновска смета дека она каде што е поразена ЦИА се лидерот на ВМРО-ДПМНЕ, Никола Груевски и македонскиот народ кој го гласал него. “Злосторството“ на Груевски, додава Велиновска, е тоа што му ги исправил ‘рбетот на Македонецот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.