Доминик Мавра сосема заслужено е избран за најкорисен кошаркар на завршниот турнир од Купот на Македонија што изминатиов викенд се одржуваше во Кавадарци. Хрватскиот плејмејкер одигра фантастично во текот на трите дена, беше импресивен во вчерашното полуфинале со Работнички, а и денеска во финалето против Фени индустри повторно беше најефикасен кај „соколите“, со 21 поен, шест скока и шест асистенции.
Признанието за најдобар стрелец на турнирот замина во рацете на Кире Николовски од Фени индустри, кој и денеска беше прв стрелец во својот тим со 19 поени, но немаше соодветна помош од соиграчите во обидот Фени да го земе скалпот и на вториот македонски претставник во АБА-лигата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
