Наградата „Лауреус“ за најдобар спортски момент за 2016, ја добија децата на Барселона (видео)

Оваа година, луѓето низ целиот свет добија право да гласаат за најспортскиот момент за 2016 година, кој најдобро ги претставува спортските вредности.

Добитници на истата се младите фудбалери од Ла Масија, фудбалската школа на Барселона, поточно фудбалерите до 14 години. Тие во финалето на Челинџ Купот во Јапонија ја победија екипата на Оми Арди, но наместо да го слават својот успех на крајот, започнаа поединечно да ги тешат своите противници.

Ова докажува дека Барселона не ги зема предвид само фудбалските карактеристики кога прави селекција на деца за својата школа, а ова е вистински пример и за останатите фудбалски академии ширум светот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.