Нова балада на Анита Мицова (ВИДЕО)

Македонската пејачка Анита Мицова, на Денот на виното и на љубовта, ја престави својата нова песна „Биди добар“.

Во оваа балада, чии автори се Весна Малинова и Кирил Бабамов, свој удел во инструменталниот дел има еминентниот музичар Ратко Даутовски, а песната си доби и видеоспот, зад кој застана Даниел Јовески.

– Со песната, со спотот, односно со целиот овој проект, креативноста во него, сакавме да ја пренесеме мојата порака „со љубов, за љубов“, а тоа најубаво се прави преку музиката и преку видеото за неа. Не случајно за тоа е избран и овој ден, кога ги славиме виното и љубовта – вели Анита.

Оваа година се очекува и промоција на албумот со наслов „Ти сум Јас“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.