Американските власти 12 години знаeле дека браната пука и ја премолчувале катастрофата

Повеќе од 10 години американските власти се запознаени со можната катастрофа и оштетувањето на главниот преливник на калифорниската брана „Оровил“, а за тоа молчеле.
Поради огромната пукнатина на преливникот на браната во близина на градот Оровил во Северна Калифорнија, итно биле евакуирани 200.000 луѓе, бидејќи браната би можела да попушти од силниот притисок на водата која се собрала со обилните врнежи од дожд.

Тоа што локалното население сигурно ќе го разбесни е фактот што властите со години биле предупредувани за вакво сценарио во случај на големи води и оштетување на главниот прелив, но за тоа се молчело сè додека водата “не дошла до грло”. Дури и кога се појавил кратер на браната, населението било уверувано дека нема причини за страв.

„Оровил Меркјури хералд“ пишува дека уште пред 12 години федералните и државните власти, и некои од најголемите агенции задолжени за вода, ги отфрлиле предупредувањата од три организации за заштита на околината.

Oroville Dam: Feds and state officials ignored warnings 12 years ago https://t.co/PKPigjGOSo #OrovilleDam #OrovilleSpillway pic.twitter.com/w1uEUoKiY1

— Paul Rogers (@PaulRogersSJMN) February 13, 2017

Во нив властите биле предупредени дека помошниот преливник на веќе старата брана треба да биде зајакнат со бетон, а не водата да се испушта низ донекаде регулираниот терен на брдото на источната страна на браната.

I’m currently evacuating. The #OrovilleDam is failing. Pray for us. pic.twitter.com/yXNTO9UFtT

— Truck Nation (@trucknation13) February 13, 2017

Групите предупредиле дека браната, чиј сопственик е државата Калифорнија, не ги задоволува безбедносните стандарди, и дека во случај на екстремни дождови и поплави огромна количина на вода од езерото ќе го преплави и оштети главниот преливник, по што ќе се испушта низ помошниот преливник. Тоа би можело да предизвика голема ерозија на земјиштето и во градовите и местата во текот на реката.

Thousands evacuate as #OrovilleDam spillway expected to fail. But nothing on @CNN about that just some crap about the #GRAMMYs pic.twitter.com/q1UVhlp86u

— Tennessee (@TEN_GOP) February 13, 2017

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.