Фото: Нов трговски центар ќе се гради во Аеродром

Во скопската населба Аеродром ќе се гради нов трговски центар и резиденцијален дел. На површина од 33.500 квадратни метри и 450 паркинг-места на булеварот Јане Сандански, наспроти трговскиот центар „Бисер“ ќе никне нов трговски центар „Кепитол“. Инвеститори се компаниите „Цити плаца“, „Пера констракшн“ и „Стон бриџ“, јави „Скопје инфо“.

На приземјето ќе бидат сместени супермаркетот „Рамстор“, банкарски простории, оптика, аптека, накит и козметика, фотостудио, кафе-продавници, телекомуникациски услуги, инфоцентар и друго. На првиот кат ќе има понуди од разни меѓународни текстилни брендови. На вториот кат ќе бидат детските продавници, продавници за играчки, фитнес- центар и продавници за спортска облека. На третиот кат ќе има забава, рекреација, ресторани за брза храна и, секако, широк и опуштен поглед на Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.