Италијанецот Флавио Бриаторе изјави дека не верува дека тимот на Ферари оваа сезона ќе биде конкурентен за освојување на титулата и покрај големата промена на техничките правила оваа сезона.
– Тимот сепак е истиот. Тоа е исто како кога посакувате да имате подобар леб, а пекарот е исти. Единствена работа, која е различна од минатата сезона е заминувањето на Маркионе – изјави Бриаторе.
66-годишниот Бриаторе пак смета дека ќе продолжи доминацијата на Мерцедес, а единствен тим, кој може да се доближи до нив е Ред Бул.
– За жал Мерцедес ќе продолжи со доминацијата, бидејќи го има најдобриот возач, Луис Хамилтон, кој оваа сезона ќе биде уште посилен. Единствен тим, кој резултатски може да биде блиску до тимот на Мерцедес е Ред Бул – заврши Бриаторе.
Стартот на новата сезона на патеката во Мелбурн е закажан за 26 март.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
