Нова германска инвестиција во Желино и нов рудник за јаглен

Ќе се отвори нов рудник за јаглен во источна Македонија. На истата локација германската компанија планира да изгради и централа за производство на електрична енергија или вкупна инвестиција од 200 милиони евра.

Претседателот на ВМРО ­ДПМНЕ, Никола Груевски вчера најави нова инвестиција во Желино каде во погоните ќе се произведуваат седишта за автобуси.

-Има и други со кои се водат преговори кога ќе биде конечна одлуката, а името кога самата компанија ќе го открие. Во нашата програма има во план и се работи на тоа да се отвори нов рудник за јаглен и централа за струја, помеѓу Делчено и Пехчево од 200 мега вати. Истражувањата кои се при крај и се завршија во еден дел , покажа дека таму има руда за околу 30 години и тоа високо калоричен јаглен, 200 КВ е 1/3 од РЕК Битола. Тоа ќе значи многу но ќе значи и за луѓето ќе отвори ќе вработи околу 1000 луѓе индиректно и директно – рече Груевски.

Инвестицијата е резултат добрите политики за привлекување на странски инвеститори кои и по две години политичка криза се уште ја гледаат како одлична дестинација за вложување на своите средства. Подготовките ќе бидат завршени во април и во 2019 година ќе стартува изградбата на рудникот а потоа и централата за електрична енергија која ќе треба дополнително да го зајакне енергетскиот систем во државата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.