Манчестер Јунајтед беше сигурен на „Олд трафорд“, совладувајќи го Ватфорд со 2-0. Тимот на Жозе Мурињо имаше потполна контрола на теренот, а Хуан Мата успеа да го отвори резултатот во 32.минута. Одлична акција беше тоа на комплетната навална линија на „црвените ѓаволи“.
Во вториот дел, конечно и Марсијал по подолг период се запиша во листата на стрелците. Ја погоди мрежата на Ватфорд во 60.минута за мирен финиш на Манчестер Јунајтед.
Маноло Габијадини почна да ја исплаќа со голови инвестицијата што Саутемптон ја вложи во него. Тој беше стрелец на двата гола за својот нов тим во триумфот над Сандерленд (0-4). Третиот и четвртиот гол беа дело на Шејн Лонг. Вест Хем ремизираше против ВБА (2-2).
Резултати Англија: Манчестер јунајтед – Ватфорд 2-0, Мидлсборо – Евертон 0-0, Стоук – Кристал Палас 1-0, Сандерленд – Саутемптон 0-4, Вест Хем – ВБА 2-2.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
