„СЈО слуги на Заев“: Сѐ поголем број граѓани се собираат во Охрид против нарачаниот прогон од Катица (ФОТО+ВИДЕО)

Со цел да го искажат своето негодување околу политичкото и непрофесионално делување на Катица Јанева и Специјалното јавно обвинителство, денеска во Охрид се собраа голем број на граѓани.

Тие коментираат дека се повикуваат обични луѓе и им се вршат притисоци заради тоа што донирале по 1.000 денари, а од друга страна се аболицираат криминалци како Зоран Заев и Зоран Верушевски.

Според нив, единствената причина зошто се тие повикани е заради тоа што се членови и симпатизери на ВМРО-ДПМНЕ.

Нивното заплашување тие го толкуваат како притисок врз партијата за да потклекне и за да се согласи на недолични компромиси за најважните национални прашања како проблемот на Грција со името, промената на Уставот и воведување на двојазичност на целата територија.

Правни експерти коментираат дека нема никаква правна логика во ваквиот акт на СЈО, одеднаш да бидат повикани 200 лица.

Единствената логика е да се направи медиумски спектакл и да се изврши политички притисок врз ВМРО-ДПМНЕ. Затоа најсоодветен израз за ваквите дејствија на СЈО, според нив е дискриминација врз политичка основа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.