За спектакуларниот настап на Лејди Гага на полувремето на „Супер боул“ во САД се зборува со денови, но нејзиниот изглед, исто така, стана тема на многу дебати, а една од нив се одвива на профилот на „Инстаграм“ на Гвинет Палтроу. Актерката, објави селфи со пејачката и предизвика лавина од коментари.
– Не ја препознав Гага додека не прочитав под фотографијата за кого станува збор. Изгледа многу постаро во однос на Гвинет – вели еден од коментарите.
„Неверојатно е колку Гвинет изгледа помладо од Лејди Гага“ и „Новото лице на Гага (бидејќи е очигледно дека отишла под нож) се’ уште изгледа псотаро од Гвинет“, се само дел од останатите коментари.
Всушност, Гага има 30, а Гвинет 44 години.
Холивудската актерка често на „Инстаграм“ објавува фотографии на кои нема ниту трошка шминка. Така направи и на нејзиниот 44-ти роденден, кога напиша дека „го прифаќа своето минато и иднина” и од фановите доби многу позитивни коментари.
Од друга страна, Лејди Гага која има само 30 години, доби многу критики на сметка на својот изглед. Следбениците на „Инстаграм“ истакнуваат дека претерала со естетски корекции и дека со толку драматична шминка изгледа барем една деценија постаро.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
