Путин ја крена војската на нозе: Се проверува борбената готовност на руските сили (Видео)

Според одлуката на врховниот командант на Вооружените сили, започна проверка на воздушно-вселенските сили на Русија, соопшти рускиот министер за одбрана, генерал Сергеј Шојгу.

-Денес, во рамките на одлуката на врховниот командант на Вооружените сили на Руската Федерација, поради оцека на подготвеноста на органите на воената управа и силите за извршување на борбени задачи, започна вондредна проверка на воздушно-вселенските сили“, изјави Шојгу на состанокот во Министерството за одбрана.

Според неговите зборови, во 9 часот по локално време, органите на воената управа и единиците започнале со подигање на нивото на борбена готовност на висок степен.

-При проверката, посебно внимание ќе биде посветено на состојбата на готовност на војската, распоредувањето на системите за против-воздушна одбрана во воено време и подготвеноста на нашата авијација да се спротистави на евентуална агресија. Сите единици ќе минат тактички воени вежби и контролни задачи“, додаде Шојгу.

Тој наложил за време на вежбите исклучително да бидат почитувани строгите барања за безбедност, да се сочува оружјето и муницијата, да се исклучат случаевите за нанесување на штета на државниот имот и да не се дозволи да има било какво негативно влијание на животната средина.

Поради реализација на задачите кои што ги поставил врховниот командант во Генералштабот при Воздушно-вселенските сили на руската армија, била формирана и посебна контролна група.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.