Причината поради која Челси го совлада Арсенал, неуморниот Канте наспроти мрзливите Озил и Санчез (видео)

Големото дерби меѓу Челси и Арсенал и натаму останува топ тема меѓу англиските медиуми, не само поради конечниот резултат од 3-1 и победата која ја оствари тимот на Антонио Конте, туку и поради незаинтересираноста која ја покажаа добар дел од клучните играчи на тимот од Северен Лондон.

По крајот на средбата, во центарот на вниманието се најде реакцијата на Месут Озил кој јасно му замери на Алексис Санчез за тоа што не отиде да ги отпоздрави фановите, но сега двете големи ѕвезди на Арсенал се во прв план и при клучната анализа на дербито, но во една неблагодарна улога.

Вредните англиски аналитичари направија интересна компарација преку две видеа од саботните случувања на „Стемфорд Бриџ“, кој всушност најдобро ни отсликуваа како се однесуваа Озил и Алексис на теренот, а како Нголо Канте.

Во првиот случај се потенцира мрзеливоста на Озил и Алексис да им помогнат на своите соиграчи во одбраната кога Матиќ лесно минува покрај нив без никаков притисок, додека од друга страна пак во неколку наврати е потенцирана упорноста на неуморливиот Канте кој повторно имаше решение за сите напаѓачки замисли на „топчиите“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.