Кливленд победи во продолжение, Леброн погоди луда тројка на 0,3 секунди до крајот (видео)

Актуелниот НБА-шампион Кливленд Кавалирс со тројката на Леброн Џејмс на 0,3 секунди стигна до продолжение, а потоа славеше во Вашингтон со 140-135. Кога се чинеше дека мечот е загубен, едно додавање преку цел терен на Леброн му овозможи обид од невозможна позиција по која ланскиот МВП погоди и го одведе својот тим во продолжение.

Кевин Лав постигна 39 поени, Кајри Ирвинг запиша 23, но Леброн Џејмс со 32 поени, 7 скока и 17 асистенции го заслужи епитетот играч на натпреварот. Емоционалниот натпревар во главниот град доживеа кулмунација во дополнителното време кога на сцена стапија асистенциите на Леброн и поените на Ирвинг.

Мајами ја продолжи својата победничка низа во НБА-лигата откако „жешките“ водени од Словенецот Горан Драгиќ ја победија Минесота со 115-113 за 11. победа по ред.

Драгиќ постигна рекордни седум тројки и со 33 поени крај своето име го заврши мечот, со кој потврди дека вистински потег е неговиот премин во Мајами. Карл-Ентони Таунс со 35 поени беше рамо до рамо со Драгиќ.

Индијана му нанесе пораз на Вестбрук и Оклахома, победувајќи ја со 93-90, Њујорк загуби од Лос Анџелес Лејкерс со 107-121, а Детроит беше убедлив и ја совлада Филаделфија со 113-96.

Резултати НБА: Њујорк – ЛА Лејкерс 121-107, Вашингтон – Кливленд 135-140 (продолжение), Индијана – Оклахома Сити 93-90, Торонто – ЛА Клиперс 118-109, Атланта – Јута 95-120, Детроит – Филаделфија 113-96, Њу Орлеанс – Феникс 111-106, Минесота – Мајами 113-115, Денвер – Далас 110-87, Мемфис – Сан Атонио 89-74, Сакраменто – Чикаго 107-112.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.