Шест лица се убиени, а деветмина се повредени, откако вооружени мажи отворија оган врз верниците кои се собрале за вечерна молитва во џамија во канадскиот град Квебек.
Претставник на полицијата потврди дека има убиени, но не го прецизираше нивниот број. Тој исто така наведе дека двајца осомничени се задржани.
Според очевидците, цитирани од локалните телевизии, двајца маскирани мажи влегле во зграда околу 19.15 часот по локално време, и отвориле оган, по што избегале. Радио „Си-Би-Си“ јави дека напаѓачите извикувале „Алах акбар“. Полицијата веднаш дошла на местото на настанот и двајцата напаѓачи биле приведени во околината на џамијата.
Канадскиот премиер Џастин Трудо го окарактеризираше нападот како терористички акт.
Tonight, Canadians grieve for those killed in a cowardly attack on a mosque in Quebec City. My thoughts are with victims & their families.
— Justin Trudeau (@JustinTrudeau) January 30, 2017
„Канаѓаните тагуваат за жртвите на подлиот напад во џамијата во Квебек, напиша Трудо на Твитер.
Трудо изрази најискрено сочуство на семејствата и на пријателите на убиените во нападот и посака брзо закрепнување на повредените.
„Различноста е нашата сила, а нашата најдрага вредност е верската толеранција”, рече Трюдо во врска со атентатот.
„Канадските муслимани се важен елемент од нашето национално ткиво и вакви безумни активности немаат место во нашите заедници, во нашите градови и во нашата земја”, додаде Трудо.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
