Финалето во Лигата на шампионите ќе се игра утре од 20,45 часот на Вембли, во Лондон, а на интересен начин преку тетоважи навивачите на Баерн Минхен и Борусија Дортмунд ја најавија првата и историска германска пресметкa за титулата.
Баерн ќе го игра јубилејното десетто финале во Лигата на шампионите, а се бори за петтата круна. Во последните два обиди Баварците беа поразени, па се надеваат на трета среќа, утре на Вембли.
Борусија има поскромен биланс во Лигата на шампионите, со максимален ефект. Еднаш играа за трофејот и беа успешни во 1997 година, кога го поразија Јувентус со 3-1.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
