Со петарда во мрежата на Реал Сосиедад, Барселона се пласираше во полуфиналето на Купот на кралот

Барселона го потврди пласманот во полуфиналето на Купот на Шпанија со убедлив триумф (5-2) над Реал Сосиедад на „Камп Ноу“. Каталонскиот тим славеше и на првиот меч со 0-1, и повеќе од заслужено патува меѓу четирите најдобри екипи во Кралскиот куп.

Денис Суарез го отвори резултатот, а Лионел Меси од пенал на почетокот на вториот дел зголеми на 2-0. Хуанми повторно донесе неизвесност со голот во 62.минута, но таа траеше само една минута бидејќи во следниот напад Луис Суарез постигна погодок за 3-1. Реал Сосиедад преку Вилијан Хозе намали на 3-2, но Арда Туран и повторно Денис Суарез беа стрелци за убедлив триумф на Барселона на овој меч.

Утре во ждрепката ќе се дознаат паровите за полуфиналните дуели, а покрај Барелона пласман меѓу четири најдобри екипи во Купот на кралот се најдоа и Атлетико Мадрид, Селта и Алавес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.