Неколку стотина мигранти денеска протестираа во Белград барајќи Европа да ги отвори границите. Протестот се одржа пред стар магацин во центарот на Белград, кој е привремено засилниште на стотици мажи и момчиња првенствено од Авганистан и од Пакистан.
– Сакаме границите да бидат отворени бидејќи 90 проценти од луѓето тука се болни, изјави Авганистанецот, Ахмед Османи.
Демонстрантите носеа плакати „Слобода на движење“ и „Ве молам отворете ги границите“. Околу 7.000 мигранти се сместени во бегалските центри во Србија или спијат во импровизирани кампови во парковите и покрај ниските температури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
