Британската премиерка Тереза Меј в сабота, на 28 јануари, ќе ја посети Турција, каде ќе се сретне со турскиот претседател Реџеп Тајип Ердоган, соопшти Даунинг стрит.
Тоа ќе биде прва посета на Меј на Турција откако ја презеде должноста британски премиер во јули минатата година.
Во соопштението се наведува дека Меј и Ердоган ќе разговараат за антитерористички мерки против организации како што е Исламска држава.
Претходно, в петок Меј ќе отпатува во САД на средба со американскиот претседател Доналд Трамп, по што од Вашингтон ќе замине во Анкара.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
