По цели 40 години поминати на чело на Формула 1, Берни Еклстон повеќе не е извршен директор. Осумдесет и шестгодишниот Англичанец заминува во пензија, вест што и самиот ја потврди.
– Денеска бев сменет од функцијата. Тоа е. Сега и официјално си заминувам. Повеќе нема да бидам лидер на таа компанија – изјави Еклстон за германското издание „Auto motor und sport“.
Како што пренесуваат француските медиуми, Еклстон од местото претседател го симнале новите сопственици на „Либерти медиа“, а неговата замена е Американецот, Чејс Кери.
Британскиот милијардер, Еклстон од Ф1 направи најспектакуларно автомобилистичко шоу, чиј годишен профит е околку две милијарди долари. Меѓутоа, неговото заминување не претставува големо изненадување бидејќи за истото се шпекулираше веќе некое време.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
