Утрово од Мадрид пристигна информација дека најдобриот фудбалер на Реал Мадрид, Кристијано Роналдо, најверојатно ќе го пропушти денешниот натпревар против Малага.
Португалскиот ас има големи болки во десната рака и до самиот почеток на мечот ќе биде неизвесен неговиот настап. Лекарскиот тим напорно работи да ја санира неговата повреда, која се шпекулира дека не е наивна, па така Роналдо можеби денес нема да го одигра својот 250. натпревар во Примера.
Мечот меѓу Реал Мадрид и Малага ќе се одигра на „Сантјаго Барнабеу“ со почеток од 16.15 часот, а оваа повреда на Роналдо нималку не е добредојдена за „кралскиот“ клуб, кој по двата порази во низа од Севилја и Селта како да влезе во мала резултатска криза.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.