Никола Мантев го фати светиот крст во Кавадарци

Никола Мантев (25) го фати светиот крст во реката Луда Мара во Кавадарци што беше положен по повод денешниот голем христијански празник Богојавление – Водици.

Водосветот со литургии, во духот на христијанската традиција, го организираа двете православни цркви „Свети Димитрија” и „Света Петка”, а заврши со две свечени поворки и фрлање на осветниот крст. .

Мантев посака здравје и среќа за своето семејство. – Досега многу пати сум се фрлал по крстот на Богојавление Водици, но денеска првпат ми успеа и да го фатам, изјави Мантев кој доби два ТВ приемника за подарок, еден од општината и еден од Зегин.

Освен него, во водите на реката по светиот крст се фрлија уште десетина лица.

Честитајќи го празникот, кавадаречкиот градоначалник Александар Панов посака здравје, среќа и бериќет за сите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.