О2 ТВ најгледан регионален ТВ канал во Македонија

Со просечен досег на гледаност од 4,09 проценти во регионот, регионалната О2 телевизија е убедливо најгледаниот ТВ канал во регионот Д6 Мали Влај, а воедно и најгледан ТВ канал доколку се земат во предвид сите телевизии со регионална концесија во Република Македонија.

Ова го потврдува годишниот извештај за изминатата 2016 година на Агенцијата за аудио и аудиовизуелни медиумски услуги.

Гледано по квартални извештаи, во првиот квартал во 2016 година гледаноста на О2 изнесувала 4,04 проценти, во вториот 3,68 проценти, во третиот 4,44 проценти и во четвртиот 4,2 проценти.

Првите луѓе на телевизијата им се заблагодаруваат на гледачите за довербата и најавуваат уште поуспешна година со голем број нови проекти со цел да се оправда и задржи укажаната доверба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.