НУ Турски театар вечерва, во 20 часот, ќе ја изведе кореодрамата „Шекспир во приказни“, која е работена по делата на Вилијам Шекспир, а во режија и кореографија на Кери К. Невзати. Во претставата играат: Билјана Јовановска, Ерман Шабан, Зиба Радончиќ, Неат Али, Несрин Таир, Осман Али, Селпин Керим, Сузан Акбелге, Џенап Самет и Максим Петровски.
Претставата раскажува приказна за отуѓеноста меѓу луѓето, недовербата која ја гаиме еден кон друг, потребата грдите внатрешни пориви и конфликти да ги пренесеме на оние што нѐ опкружуваат, потрагата по себеси и по сродниот на себе, тежнеење кон љубовта и истовремено неможноста таа да се прими целосно, опседнатоста со моќ и желба за доминација, која несомнено води кон пропаст и смрт. Самоуништувањето како начин на живот. Но, по смртта на еден, животот почнува за нов никулец, со надеж дека отуѓеноста ќе ја снема, дека љубовта целосно ќе обзема и смеата ќе биде едно од многуте пријатни прибежишта.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
