Борбата за титулата во Серија А допрва почнува, Фиорентина ја порази „старата дама“ (видео)

Во последниот натпревар од 20. коло на италијанската Серија А, на исполнетиот „Артемио Франки“ во Фиренца, првакот Јувентус го претрпе четвртиот пораз оваа сезона, откако по миланските екипи и Џенова, и „виолетовите“ на Пауло Соуса го победија тимот од Торино. Во интензивен натпревар Фиорентина извојува победа над „старата дама“ од 2-1.

Тимот од Фиренца сосема заслужено стигна до триумфот, најавувајќи го во 37. минута со погодокот на Калиниќ.

Во второто полувреме Фиорентина зголеми на 2-0 со голот на Бадељ во 54. минута, а Игуаин единствено успеа во 58. минута да постигне почесен погодок за „Старата дама“.

Јувентус, по овој пораз, остана на 45 бода, само еден повеќе од второпласираната Рома. Јувентус има и натпревар помалку. На третата позиција е Наполи со 41 бода, а четврти Лацио со 40 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.