Германската полиција во местото Лаутерекен пронајде 155 килограми експлозив, по што уапси две лица, обвинети за поседување експлозив и подготвување терористички напад.
Тие биле уапсени пред две недели, но денеска е објавена информацијата.
Државното обвинителство сега ја проверува информацијата според која осумнаесетгодишниот имал врски со терористичката група „Олд скул сосајети“, објави „Шпигл“.
за време на сослушувањето, двајцата уапсени негирале дека планирале терористички напад, дека пронајдениот експлозив бил за приватна употреба, а себе се нарекоа „викенд пиротехничари“.
За време на претресот на семејниот стан на 18-годишното лице, полицијата пронајде експлозивна направа која тој самиот ја изработил, повеќе од 150 килограми експлозив, како и нео-нацистички симболи.
Вториот осомничен има 24 години, и тој од претходно и е познат на полицијата поради кршење на законот за поседување експлозив. И кај него е пронајдена ултра-десничарска литература.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
