Бајка во мраз на Плитвички Езера (видео)

Исклучително ниските температури овие денови успеаја да ги смрзнат дури и Плитвички Езера и водопадот, а тоа на посетителите им понуди едно поинакво, речиси неверојатно доживување, вистинска зимска бајка.

Водопадот е замрзнат, а сцените на кои сведочат бројните посетители делуваат нестварно. Оваа слика најверојатно нема да се смени во брзо време, бидејќи ниски температири и снег се најавуваат и за следните неколку дена.

Од Националниот парк, пак, ги предупредуваат посетителите да внимаваат кога одат кон големиот замрзнат водопад, бидејќи по патеките има многу мраз и снег, а тие се исклучително лизгави. Додаваат дека една фотографија не вреди ако постои опасност од скршеници.

Тука се, сепак, и спасителите од Горската служба, кои се подготвени да помогнат доколку постои потреба за тоа, иако, до сега, за среќа, не интервенирале.

А ако не можеме да ги видиме замрзнатите Плитвички Езера во живо, барем можеме да уживаме во видеото и фотографиите што доаѓаат оттаму.

извор: hybread.mk

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.